काठमाडाैँ । कोटेश्वरस्थित भाटभटेनी सुपरमार्केटमा चैत १५ गते राजावादी अराजक समूहद्वारा गरिएको लुटपाट र तोडफोडबाट ८० लाख ३३ हजार रुपैयाँ बराबरको क्षति भएको छ।
भाटभटेनी सुपरमार्केटले गरेको प्रारम्भिक मूल्यांकन अनुसार मौज्दात सामानमा सबैभन्दा ठूलो क्षति पुगेको छ। कुल ६४ लाख ८८ हजार रुपैयाँ बराबरको सामान लुटिएको वा नष्ट भएको पाइएको छ।
स्टोर भवनमा ११ लाख ८५ हजार रुपैयाँको क्षति पुगेको छ भने फ्रिजर तथा शोकेसमा २ लाख ६५ हजार रुपैयाँको नोक्सानी भएको छ। लुटपाटका क्रममा नगद ९४ हजार रुपैयाँ चोरी भएको पनि भाटभटेनीले जनाएको छ ।
घटनामा संलग्न केही व्यक्तिहरूलाई प्रहरीले नियन्त्रणमा लिएको छ। पक्राउ परेकामाथि अदालतबाट म्याद थप गरी अनुसन्धान भइरहेको प्रहरीले जनाएको छ।
प्रतिक्रिया दिनुहोस्