बुधबार २३ अंकले बढ्यो नेप्से, कारोबार रकम ५ अर्ब ४४ करोड रुपैयाँ

काठमाडौँ। साताको कारोबारको चौथो दिन सेयरबजारमा हरियाली छाएको छ । नेपाल स्टक एक्सचेन्जका अनुसार बुधबार नेप्से परिसूचक २३.८६ अंकले बढेर २७००.०४ अंकमा पुगेको छ ।

आज नेप्सेमा कारोबार भएका कुल १३ उपसमुहमध्ये २ ओटा उपसमुहको सेयरमूल्य घटेको छ भने ११ ओटा उपसमुहको सेयरमूल्य बढेको छ ।

मंगलबार हिमालयन रिइन्स्योरेन्सको सबैभन्दा धेरै कारोबार भएको छ । कम्पनीको ६३ करोड ९० लाख बढिको कारोबार भएको छ ।

आज सेन्ट्रल फाइनान्स कम्पनी र बिशाल बजार कम्पनीका लगानीकर्ताहरुले सबैभन्दा धेरै कमाएका छन् । कम्पनीको सेयरमूल्य १० प्रतिशत र ९.९६ अंकले बढेर सकारात्मक सर्किट लागेको छ ।

बोटर्लस नेपाल (बालाजु) का लगानीकर्ताहरुले सबैभन्दा बढि गुमाएका छन् । कम्पनीको सेयरमूल्य १० प्रतिशतले बढेर नकारात्मक सर्किट लागेको छ ।

कुल ३१८ कम्पनीको १ करोड ४ लाख ४२ हजार ६८३ कित्ता सेयर किनबेच हुँदा ५ अर्ब ४४ करोड ४४ लाख ३५ हजार ९०१ रुपैयाँको कारोबार भएको नेप्सेले जनाएको छ ।