काठमाडौँ । नेपाल राष्ट्र बैंकका गभर्नर महाप्रसाद अधिकारीले ५ वर्षमा ११६ नीतिगत व्यवस्थाहरु तर्जुमा भई कार्यान्वयनमा आएको बताएका छन् ।
आफ्नो कार्यकालको अन्तिम समयमा गर्भनर अधिकारीले विगत ५ वर्षमा सम्पादन गरेको प्रमुख कार्य तथा उपलब्धिहरुको बारेमा जानकारी गराउन आयोजित पत्रकार भेटघाट कार्यक्रममा बैंकको कार्यसम्पादनलाई थप व्यवस्थित र प्रभावकारी बनाउन ११६ नीतिगत व्यवस्थाहरु तर्जुमा भई कार्यान्वयनमा आएको बताएका हुन् ।
गर्भनर अधिकारीको ५ वर्षे कार्यकाल चैत २४ गते सकिँदैछ । उनले यो अवधिमा गरेका काम कार्बाहीको बारेमा जानकारी दिएका हुन् । पाँच वर्षको अवधिमा १६ नियमावली विनियमावली, ११ नीति, २७ मार्गदर्शन तथा फ्रेमवर्क, ११ निर्देशिका, ४१ कार्यविधि, सात म्यानुअल तथा अन्य तीन गरी ११६ रहेको जनाइएको छ ।
पाँच वर्षमा विद्युतीय भुक्तानी कारोबार संख्या तेब्बर र भुक्तानी रकम करिब दोब्बर भएको उल्लेख गरिएको छ । यो अवधिमा अन्तरदेशीय भुक्तानीमा पनि विद्युतीय माध्यमबाट भुक्तानी गनए सकिने अवस्था रहेको जनाइएको छ ।
प्रतिक्रिया दिनुहोस्