काठमाडाैँ । राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ सम्बन्धि विधायन व्यवस्थापन समितिको प्रतिवेदन राष्ट्रिय सभामा पेश गरिएको छ ।
शुक्रवार बसेको राष्ट्रिय सभा बैठकमा समितिकी सभापति तुलसाकुमारी दाहालले सो प्रतिवेदन पेश गरेकी हुन्। सो विधेयक उपर २९ जना सांसदहरुले ७१ वटा बुँदामा संशोधन प्रस्ताव दर्ता गराएका थिए ।
त्यस उपर विज्ञ र सरोकारवाला निकायहरूसँग पनि छलफल गरेर प्रतिवेदन तयार परिएको पनि समितिकी सभापति दाहालले बताइन् ।
प्रस्तुत विधेयकले विधि विज्ञान सम्बन्धि अध्ययन अनुसन्धान परिक्षणलाई प्रभावकारी र विश्वसनीय, विशिष्टिकृत बनाउन राष्ट्रिय विधि विज्ञान प्रयोगशाला स्थापना र संचालन गर्ने उद्देश्य लिएको पनि उनले बताइन्।
प्रतिक्रिया दिनुहोस्