काठमाडाैँ । प्रतिपक्ष दल नेकपा (एमाले)की सचिव पद्माकुमारी अर्यालले साईबर अपराधमा संलग्नमाथि तत्काल कारबाही गर्न सरकारसँग माग गरेकी छिन् ।
मुलुकमा साइबर अपराधका घटना बढिरहेका बेला उनले साइबर अपराधको घटनाको सत्यतथ्य बाहिर ल्याई दोषीलाई तत्काल सरकारले कारबाहीको दायरामा ल्याउनुपर्ने बताइन्। मंगलबार संघीय संसद भवन परिसरमा सञ्चारकर्मीहरुले राखेका जिज्ञासाको जवाफ दिने क्रममा उनले सो घटनामा संलग्नमाथि कारबाही गर्न दबाब दिँदै आफूहरुले नेपाल प्रहरीको साइबर व्युरोमा उजुरी दिनुपरेको पनि स्पष्ट पारिन् ।
सचिव अर्यालले भने, “जुन खालको साईबर अपराध भईरहेको छ । खास यो दण्डहीनताको स्थिति छ आज साईवर अपराधमा जुन दण्डहीनताको जुन स्थिति छ । यसको अन्त्य कसरी गर्न सकिन्छ ? र यसलाई कसरी दण्डनिय बनाउन सकिन्छ ? पीडितलाई राहत कसरी दिने, पीडकलाई सजाय कसरी गर्ने ? हामीले यिनै विषयमा नेपाल प्रहरीको साईबर व्युरोमा छलफल ग¥यौं । अहिलेको तत्कालको घटनाको निम्ति तथ्य, सत्यमा आधारित भएर छानविन गरेर शिघ्रातिशिघ्र कारबाही गरिदिनुहोस् । कारबाही गर्दाखेरी जुन पीडकहरु छन् । उनीहरु हच्किने स्थिति हुन्छ । अहिलेसम्म कारबाही नहुँदा केही पनि हुँदैन, जे बोलेपनि हुन्छ, जे गरे पनि हुन्छ भनेर जे पनि गर्नेकुरा भयो । त्यसले यसलाई कारबाहीको दायरामा ल्याउनसकियो भने मात्रै नियन्त्रण गर्न सकिन्छ ।”
सचिव अर्यालले साईवर अपराधमा संलग्नहरु कारबाहीको दायरामा ल्याउन सकिने मात्रै त्यस्ता खालको अपराध नियन्त्रण गर्न सकिने भएकाले सरकारले सो काममा विशेष ध्यान दिनुपर्ने पनि बताइन् ।
प्रतिक्रिया दिनुहोस्