काठमाडौँ । रियलमीको नयाँ फोन रियलमी १२ प्रो+ दराजमा अग्रिम बुकिङ्गको लागि उपलब्ध भएको छ । ६.७ ईन्चको सुपर एमोलेड डिस्प्ले तथा फुल एचडी रिजोलुसन भएको रियलमी १२ प्रो+ मा १२० हर्जको रिफ्रेस रेट रहेको कम्पनीले जनाएको छ ।
रियलमी १२ प्रो+को हरेक खरिदमा तथा निःशूल्क डेलिभरीसहित निःशूल्क टी १०० इयरबड प्राप्त गर्न सकिने उल्लेख गरिएको छ । कम्पनीका अनुसार दराजबाट खरिद गर्ने ग्राहकहरुले एक हजार रुपैयाँको छुट भौचर पनि प्राप्त गर्नेछन् । यो वाहेक ग्लोबल आईएमई बैंकबाट अनलाईन भुक्तानी गर्ने ग्राहकहरुले ७५० रुपैयाँको अतिरिक्त छुट पाउने व्यवस्था छ । यो अफर जेष्ठ १९ देखि जेष्ठ २३ सम्म मात्र लागू हुनेछ ।
रियलमी १२ प्रो+ क्वाल्कम स्न्यापड्रागन ७ एस जेन २ प्रोसेसर तथा ४ एनएम ओक्टा सीपीयूमा सञ्चालित रहेको छ । यो फोनमा १२ जिबीको ¥यामसँग ५१२ जिबीको आन्तरिक स्टोरेज रहेको जनाइएको छ ।
यस फोनमा ६४ मेगा पिक्सेलको पेरिस्कोप क्यामेरा, ओम्निभिजन ओभि६४बी सेन्सर र ओआईएक्स, अत्याधिक सफा फोटोको लागि ५० मेगापिक्सेलको सोनि आईएमएक्स ८९० ओआईएस क्यामेरा, ८ मेगा पिक्सेलको ११२ डिग्रीको वाइड एङ्गल क्यामेरा र ३२ मेगा पिक्सेलको सोनि आईएमएक्स५ सेल्फी क्यामेरा जस्ता अत्याधुनिक सुविधाहरु रियलमी १२ प्रो+ मा उपलब्ध छ ।
रियलमी १२ प्रो+ १२ जिबी ¥याम + २५६ जिबी स्टोरेजको भेरियन्ट नेपालमा उपलब्ध छ । दराजमा सबमरिन ब्लू र एक्सप्लोरर रेड रङ्गमा उपलब्ध रियलमी १२ प्रो+ को मुल्य ५० हजार ९९९ रुपैयाँ रहेको कम्पनीले जनाएको छ ।
प्रतिक्रिया दिनुहोस्