काठमाडौं । हिजो उछाल आएको सेयरबजार आज भने खुम्चिएको छ । केही दिन यता कोरोना संक्रमणको बढ्दै गएपछि त्यसको असर बजारमा परेको हुनसक्ने लगानीकर्ता बताउँछन् ।
बुधबार नेपाल स्टक एक्सचेन्ज नेप्से १३.७९ अंकले घटेर २५८५.२८ अंकमा पुगेको छ भने सेन्सेटिभ परिसूचक पनि २.१६ अंकले घटेर ४६५.१२ अंकमा पुगेको छ ।
स्टकका अनुसार कारोबार भएका कूल १३ उपसमूहमध्ये आज ३ वटा उपसमूहको सेयर बढेको छ भने बाँकी १० वटा उपसमूहको सेयर घटेको छ।
नेप्सेमा आज कारोबार रकमको आधारमा एनसीसी बैंक अग्रस्थानमा रहेको छ । बैंकको २८ करोड २८ लाख ९३ हजार रूपैयाँ बराबरको कारोबार भएको हो ।
कूल २१५ वटा कम्पनीको ८९ लाख ५३ हजार ४ सय ५१ कित्ता सेयर किनबेच हुँदा ३ अर्ब ९८ करोड ३५ लाख ३३ हजार ८ सय ८६ रुपैयाँको कारोबार भएको नेप्सेले जनाएको छ ।
आज कारोबार रकम भने निकै घटेको छ । औसमा ५ अर्ब देखि माथिको कारोबार हुने बजारमा आज भने ३ अर्बको मात्रै कारोबार भएको छ । जसको कारण कोरोना संक्रमणको दर बढ्दै गएपछि भोलिदेखि हुने लकडाउनले लगानीकर्ताको मनोबल घटेको सेयरविज्ञहरुको भनाई छ ।
प्रतिक्रिया दिनुहोस्