गणतन्त्रवादीहरुको कित्तामा उभिएर फोटो खिचाउने रहर छैनः रास्वपा सभापति लामिछाने

काठमाडौं । राष्ट्रिय स्वतन्त्र पार्टीका सभापति रवि लामिछानेले आफ्नो कर्तुत लुकाउन गणतन्त्रको कित्तामा उभिएर फोटो खिचाउने रहर नभएको बताएका छन् । रास्वपा केन्द्रीय समितिको बैठक अघि सभापति लामिछानेले अन्य पार्टीहरुले गणतन्त्रको खोल ओढेको बताएका ।

उनले भने, “रास्वपा खोल ओढ्दैन । रास्वपाले आफ्नो कुरा स्पष्टसँग राखेको छ । तपाईहरुको कर्तुत लुकाउन तपाईहरुको कित्तामा उभिएर फोटो खिचाउने रहर छैन ।”

उनलाई सरकारले मुद्दामाथि मुद्दा लगाएर दुख दिएको उनको भनाइ छ । दुई तिहाइको सरकारले ज्यूँदै छोड्नु नै आफ्नो जित भएको उनले बताए । जतिवटा मुद्दा लगाए पनि ज्यान मारे पनि शरीरमा एक थोपा रगत हुँदासम्म लुटतन्त्रको विरोधमा उभिने उनको भनाइ छ ।