काठमाडौं । केहि दिनदेखि निरन्तर घटेको सेयरबजारमा आज भने ब्रेक लागेको छ । साताको कारोबारको दोस्रो दिन सेयरबजार दोहोरो अंकले बढेको छ ।
नेपाल स्टक एक्सचेञ्जका अनुसार आज (सोमबार) सेयर कारोबार मापक नेप्से परिसूचक १६।९६ अंकले बढेर १९०२।२७ अंकमा पुगेको छ भने सेन्सेटिभ परिसूचक पनि ५।५७ अंकले बढेर ३७२।९३ अंकमा पुगेको छ ।
आज नेप्सेमा कारोबार भएका कूल १३ उपसमूहमध्ये आज बैंकिङ्ग उपसमूहबाहेक बाँकी सबै उपसमूहको सेयर बढेको छ ।
सोमबार कारोबार रकमका आधारमा नबिल बैंक लिमिटेड अग्रस्थानमा रहेको छ । बैंकको २१ करोड ३२ लाख ४१ हजार रूपैयाँ बराबरको कारोबार भएको हो ।
आज २ कम्पनीको सेयरमूल्यमा सकारात्मक सर्किट लागेको छ । समिट लघुवित्त वित्तीय संस्था लिमिटेड र सीवाईसी नेपाल लघुवित्त वित्तीय संस्था लिमिटेडको सेयरमूल्यमा सकारात्मक सर्किट लागेको हो ।
यस दिन ग्लोबल आईएमई ब्यालेन्स फण्ड १ को मूल्य सबैभन्दा धेरै घटेको छ । उक्त फण्डको मूल्य ९।९३ प्रतिशतले घटेको छ ।
कूल २४५ वटा कम्पनीको ४४ लाख ७० हजार ६ सय २५ कित्ता सेयर किनबेच हुँदा एक अर्ब ३६ करोड ६० लाख १० हजार ४ सय ६४ रूपैयाँ बराबरको कारोबार भएको नेप्सेले जनाएको छ ।
प्रतिक्रिया दिनुहोस्