काठमाडाैँ । उद्यमशीलता प्रवर्द्धन तथा युवा उद्यमीहरूको सम्मान गर्ने उद्देश्यले आयोजना गरिएको “वैभव उद्यमी सम्मान कार्यक्रम २०८२” सम्पन्न भएको छ।
कार्यक्रम औद्योगिक व्यवसाय विकास प्रतिष्ठानका प्रमुख कार्यकारी अधिकृत उमेश कुमार गुप्ताको प्रमुख आतिथ्यमा सम्पन्न भएको हो।
यस वर्षको वैभव उद्यमी सम्मान अन्तर्गत उदीयमान उद्यमी (राङजिङ इन्टरप्रेनर) विधामा भकारी विज्नेज हाउस प्रा.लि. सम्मानित भएको छ भने उदीयमान सफल उद्यमी विधामा पोलिटेक रिसाइकलले सम्मान प्राप्त गरेको छ।
भकारी विज्नेज हाउस प्रा.लि. नेपाली हिमालयन वेलनेसका उत्पादनहरूको उत्पादन तथा बजारीकरण गर्दै आएको कम्पनी हो, जसले हाल २५ जना युवालाई प्रत्यक्ष रोजगारी प्रदान गरेको छ।
त्यस्तै, पोलिटेक रिसाइकल फोहोर वर्गीकरण तथा पुनर्चक्रण सम्बन्धी व्यवसाय सञ्चालन गर्दै आएको उद्यम हो, जसले २० जनालाई प्रत्यक्ष रोजगारी सिर्जना गरेको छ।
कार्यक्रमका प्रमुख अतिथि उमेश कुमार गुप्ताले सम्मानित उद्यमीहरूलाई बधाई दिँदै देश विकासका लागि उद्यमी व्यवसायीहरूलाई प्रोत्साहन गर्ने यस्ता कार्यक्रमहरू अत्यन्त आवश्यक रहेको उल्लेख गरे ।
उनले नेपाल सरकारअन्तर्गत औद्योगिक व्यवसाय विकास प्रतिष्ठानले नवउद्यमीहरूलाई ३ प्रतिशत ब्याजदरमा विना धितो २० लाख रुपैयाँसम्म स्टार्टअप कर्जा उपलब्ध गराइरहेको र यस वर्ष मात्र १० हजारभन्दा बढी आवेदन परेको जानकारी दिए।
भकारी विज्नेज हाउस प्रा.लि. का संस्थापक २३ वर्षीय धन बहादुर कार्कीले नेपाली हिमालयन वेलनेसका उत्पादनहरू उत्पादन तथा बजारीकरण गर्दै आएकाे बताए । भकारीले हाल २५ जना युवालाई प्रत्यक्ष रोजगारी प्रदान गरेको छ।
यस्तै, आशिस लामा, दावा दोर्जे मोक्तान र फुर्वा योन्जन गरी तीन युवाले स्थापना गरेको पोलिटेक रिसाइकलले फोहोरको वर्गीकरण तथा पुनर्चक्रण व्यवसाय सञ्चालन गर्दै आएको छ। फोहोरलाई समस्या होइन, सम्भावना ठानेका यी ३ युवाहरूले हाल २० जनालाई प्रत्यक्ष रोजगारी सिर्जना गरेका छन्।
प्रतिक्रिया दिनुहोस्