काठमाडौँ । भारतको राजधानी नयाँ दिल्लीमा साताको पहिलो दिनबाट घट्दै गएको तापक्रम शुक्रबार बिहान मे महिनामा १३ वर्ष यताकै न्युनतम तापक्रम मापन भएको छ ।
केहिदिन लगातार भएको वर्षापछि शुक्रबार बिहान ८ः३० बजे दिल्लीको न्यूनतम तापक्रम १९।५ डिग्री सेल्सियस रेकर्ड गरिएको हो । दिल्लीमा कायम भएको यो रेकर्ड मे महिनामा कायम भएको रेकर्ड हो । मौसम विभागले दिनभरि आंशिक बादलको मौसम पूर्वानुमान गरेको छ।
भारतको मौसम विभागका अनुसार आज दिल्लीको अधिकतम तापक्रम ३४ डिग्री सेल्सियस रहने सम्भावना छ ।
साताको सुरुदेखि नै परेको भारी वर्षाका कारण भिजिबिलिटी कम भएको र न्यूनतम तापक्रम १५ दशमलव ८ डिग्री सेल्सियस पुगेको हो, जुन १३ वर्षयताकै सबैभन्दा कम हो ।
यसअघि सन् १९८२ मे २ मा दिल्लीको न्युनतम तापक्रम १५ दशमलव २ डिग्री सेल्सियसको मापन गरिएको थियो ।
प्रतिक्रिया दिनुहोस्