काठमाडौँ । नेपाल विद्युत प्राधिकरणको स्वामित्वमा रहेका सवारी साधनमा जीपीएस प्रणाली जोडिने भएको छ।
प्राधिकरणले आफ्ना स्वामित्वमा चल्ने सबै गाडीमा जीपीएस प्रविधि जडान गर्ने जानकारी दिएको हो।
यसअन्तर्गत प्राधिकरणको निर्देशनालय, विभाग, महाशाखा, शाखालगायत सबै कार्यालयका सवारी साधनमा जीपीएस जडान गरिने प्राधिकरणका प्रवक्ता सुरेश बहादुर भट्टराईले जानकारी दिए ।
प्रधिकरणका अनुसार गाडीमा जीपीएस प्रविधि जडान गरेपछि उचित दिशा बताउनुका साथै आवश्यकता अनुसार अल्टर्नेटिभ मार्गहरू प्रस्तुत गर्नेछ ।
साथै यसले चोरीजस्ता अपराधहरू रोक्न मद्दत गर्नेदेखि सवारी साधन कुन स्थानमा कस्तो अवस्थामा छ भनेर देखाउने प्रणाली हो। कहाँ कति बेर रोकियो भन्ने पनि देखिन्छ। यसले सवारी कुन गतिमा चलिरहेको छ भन्ने कुरासमेत देखाउँछ।
प्रतिक्रिया दिनुहोस्