काठमाडौं । साताको कारोबारको चौथो दिन सेयरबजारको गिरावट कायमै रहेको छ । बुधबार नेप्से परिसूचक ८.११ अंकले घटेर २१५६.२० अंकमा पुगेको छ ।
त्यस्तै सेन्सेटिभ परिसूचक पनि २.०५ अंकले घटेर ४०९१.११ अंकमा झरेको छ ।
बुधबार नेप्सेमा कारोबार भएका कुल १३ उपसमुहमध्ये ३ वटा उपसमुहको १० वटा उपसमुहको सेयरमूल्य घटेको छ ।
आज कारोबार रकमका आधारमा ग्लोबल आइएमआई बैंकको प्रमोटर सेयर अग्रस्थानमा रहेको छ ।
बुधबार नेप्सेमा किसान लघुवित्त वित्तीय संस्थाका लगानीकर्ताले सबैभन्दा धेुरै कमाएका छन् । कम्पनीको सेयरमूल्य ६.९६ प्रतिशतले बढेको छ ।
त्यस्तै आजको दिन जाल्पा लघुवित्त वित्तीय संस्थाका लगानीकर्ताले सबैभन्दा धेरै गुमाएका छन् । कम्पनीको सेयरमूल्य ६ प्रतिशतले घटेको छ ।
कुल २६० कम्पनीको ७३ लाख ९९ हजार ४ सय ७४ कित्ता सेयर किनबेच हुँदा २ अर्ब ४३ करोड २५ लाख ८ हजार ७ सय ६९ रुपैयाँको कारोबार भएको छ ।
प्रतिक्रिया दिनुहोस्