काठमाडौँ । डा. नारद पोखरेलको शब्द तथा गायिका संगीता राणा प्रधानको स्वर रहेको नयाँ गीत ‘सुस्त सुस्त’ सार्वजनिक भएको छ ।
लभ एण्ड सपोर्ट फाउन्डेसनको आयोजनामा ललितपुरको जावलाखेलस्थित रिडी लाउन्जमा एक कार्यक्रमकाबिच गीत सार्वजनिक गरिएको हो । गीतको म्युजिक एरेन्जर चन्द सिंह र म्युजिक कम्पोजर मनोज राई रहेका छन् ।
![](https://taksarnews.com/wp-content/uploads/2023/12/SUSTA-SUST-4-768x432.png)
एसएस रेकर्डिङ स्टुडियो युट्युव च्यानलबाट सार्वजनिक गरिरएको गीतको म्युजिक भिडियो पनि छिटै तयार गरिने लभ एण्ड सपोर्ट फाउन्डेसनले जनाएको छ । लभ एण्ड सपोर्ट फाउन्डेसन गैर नाफामूलक संस्था हो ।
अमेरिकाको नर्थ क्यारोलिनामा प्रधान कार्यालय रहेको संस्थाको नेपाल, भारत लगायतका मुलुकमा शाखा कार्यालय छन् ।
![](https://i0.wp.com/www.lumbinisanchar.com/wp-content/uploads/2023/12/susta-susta-17.jpg?resize=720%2C480&ssl=1)
विश्वभर छरिएर रहेका नेपालीहरूका लागि सहयोगी भूमिका निर्वाह गर्ने उद्देश्य रहेको फाउन्डेसनको नेपाल र भारतको सिक्किमस्थित शाखाको संयुक्त पहलमा संगीत क्षेत्रका शिखर पुरुष अम्बर गुरुङको सालिक गत नोबेम्भरमा अनावरणसमेत गरिएको थियो ।
![](https://i0.wp.com/www.lumbinisanchar.com/wp-content/uploads/2023/12/susta-susta-13.jpg?resize=720%2C480&ssl=1)
प्रतिक्रिया दिनुहोस्