काठमाडौँ । संघीय संसदको कार्यवाहक महासचिवको जिम्मेवारी पद्मप्रसाद पाण्डेले पाएका छन् ।
सभामुख देवराज घिमिरेले पद्मप्रसाद पाण्डेलाई कार्यवाहक महासचिव नियुक्त गरेका हुन् ।
पाण्डे कार्यवाहक महासचिव नियुक्त भएको संघीय संसदका प्रवक्ता टेकराज गिरीले जानकारी दिए ।
संघीय संसदका महासचिव भरतराज गौतमले राजीनामा दिएपछि पाण्डेलाई सभामुख देवराज घिमिरे र राष्ट्रिय सभाका अध्यक्ष गणेशप्रसाद तिमिल्सिनाले महासचिवमा सिफारिस गरेका थिए ।
राष्ट्रपति रामचन्द्र पौडेलले महासचिव नियुक्तिमा ढिलाई गरेपछि पाण्डेलाई कार्यवाहकको जिम्मेवारी दिइएको हो ।
सभामुख र राष्ट्रिय सभाका अध्यक्षको सिफारिसमा राष्ट्रपतिले संसदको महासचिव नियुक्त गर्ने व्यवस्था छ ।
प्रतिक्रिया दिनुहोस्