शाओमीको रेड्मी १३ सि स्मार्टफोन नेपालमा

काठमाडौँ । शाओमीले नेपालमा रेड्मी १३ सि लन्च गरेको छ । मेडियाटेक हेलिओ जी ८५ प्रोसेसर सहित उपलब्ध यस नया रेड्मी १३ सी ले उत्कृष्ट डिजाइन र अत्याधुनिक प्रविधिको संयोजनको साथ ग्राहकलाई उत्कृस्ट अनुभव प्रदान गर्ने कम्पनिले जनाएको छ । शाओमीले रेड्मी १२ सि को सफलताको रूपमा आफ्नो नयाँ इन्ट्री–लेभल स्मार्टफोन रेड्मी १३ सि लिएर आएको हो ।
शाओमी नेपालका कन्ट्री जनरल म्यानेजर मनु मनस्वीले भने, “रेड्मी १३ सि को स्टाइलिस डिजाइन र अत्याधुनिक प्रविधिले स्मार्टफोनको बजारमा नयाँ स्ट्यान्डर्ड तय गर्नेछ भन्ने हामीले विश्वास लिएका छौ । इनोभेसन, स्टाइल र पर्फमेन्सको उत्कृस्ट मिश्रण प्रदान गर्ने लक्ष्यलाई हामीले रेड्मी १३ सि मा पनि कायम राखेका छौँ।”

प्रोसेसिङ पावर र स्टोरेज कन्फिगरेसनः

रेड्मी १३ सि १२ एनएमको प्रोसेस र मेडियाटेक हेलिओ जी ८५ प्रोसेसरद्वारा संचालित छ जसले स्मुथ पर्फरमेन्स सुनिश्चित गर्दछ । रेड्मी १३ सि ६ जिबी + १२८ जिबी र रेड्मी सि –श्रृङ्खलामा पहिलो पटक– ८ जिबी+२५६ जिबी भेरिएन्टहरुमा उपलब्छ रहेको कम्पनीले जनाएका छ ।

स्लिक डिजाइन र डाइमेन्सनः

रेड्मी १३ सि १६८ एमएमको लम्बाई, ७८ एमएमको चौडाइ, ८.०९ एनएमको मोटाई तथा १९२ ग्राम तौलमा उपलब्ध छ ।

उत्कृष्ट डिस्प्लेः

रेड्मी १३ सि १६००ह७२० को रिजोल्युसनको साथ ६.७४ इन्चको डट ड्रप डिस्प्लेमा उपलब्ध छ जसले ४५० निट्स (टाइप) र ६०० निट्स एचबीएमको ब्राइटनेसको साथ सुन्दर डिस्प्ले प्रदान गर्दछ । यसको डिस्प्लेले ९० हर्ट्जसम्मको रिफ्रेस रेट समेत प्रदान गर्दछ ।

क्यामेरा फिचर ः

रेड्मी १३ सि मा ५० मेगापिक्सेलको एआई ट्रीपल क्यामरा रहेको छ । यसै गरी फोनमा नाइट मोड, पोट्र्रेट मोड, ५० मेगापिक्सेल मोड र टाइम–ल्याप्सहरु जस्तै उत्कृष्ट क्यामरा फिचरहरु पनि उपलब्ध रहेको कम्पनीले जनाएको छ । यसको रियर क्यामराले १०८० पिक्सेल र ७२० पिक्सेल मोडमा ३० एफपिएसको भिडियो रेकर्डिङ सपोर्ट गर्दछ । साथै यसको ८ मेगापिक्सेलको फ्रन्ट क्यामाराले पनि १०८० पिक्सेल र ७२० पिक्सेल मोडमा ३० एफपिएसमा भिडियो रेकर्डिङ गर्दछ ।

लङ लास्टिङ ब्याट्री र फास्ट चार्जिङः

रेड्मी १३ सिको ५००० एमएचको ब्याट्रीले १८ वाटको पिडी चार्जिङ र युएसबी टाइप सि सर्पोट गर्दछ । १० वाटको एडाप्टर सहित आउने यस रेड्मी १३ सि लाई कम्पनीले अप्टिमल चार्जिङको लागि १८ वाट वा माथिको एडाप्टर रेकमेन्ड गरेको छ ।

सेकुरिटी फिचर र कनेक्टीभिटीः

कम्पनीका अनुसार रेड्मी १३ सि को साइड फिंगरप्रिन्ट सेन्सर र एआई फेस अनलक फिचरले प्रयोगकर्ताको सुरक्षा सुनिश्चित गर्दछ । साथमा यो स्र्माटफोनमा एनएफसी कम्प्याटिबिलिटी, डुअल सिम र माइक्रोएसडी सर्पोट तथा ४ जि, ३ जि र २ जि नेटवर्कपनि उपलब्ध छ ।

उपलब्धता ः

रेड्मी १३ सि ६+१२८ जिबी र ८+२५६ जिबी को स्टोरेज भेरियन्टमा मिडनाइट ब्ल्याक, नेभी ब्लू र क्लोभर ग्रीन गरी तीन आकर्षक रंगहरूमा उपलब्ध हुने कम्पनीले उल्लेख गरेको छ ।

त्यस्तै ६+१२८ जिबी र ८+२५६ जिबी भेरियन्टको मूल्य रु. १५ हजार ९९९ र रु.१८ हजार ९९९ रहेको छ ।

रेड्मी १३ सि माघ ३ बाट नेपालभरका सबै आधिकारिक मी स्टोर र शाओमीका आधिकारिक रिटेलरहरूमा उपलब्ध हुने जनाइएको छ ।