नेप्सेमा ३० अंकको गिरावट, कारोबार रकम ४ अर्ब माथि

काठमाडौं । साताको कारोबारको अन्तिम दिन सेयरबजारमा गिरावट आएको छ । नेपाल स्टक एक्सचेन्जका अनुसार सेयरमापक सूचक नेप्से परिसूचक ३०.९२ अंकले घटेर २०६७.०१ अंकमा झरेको छ ।

आज नेप्सेमा कारोबार भएका कुल १२ उपसमुहमध्ये फाइनान्स उपसमुहबाहेक सबै उपसमुहको सेयरमूल्य घटेको छ ।
बिहीबार पनि कारोबार रकमका आधारमा हिमालयन रिइन्स्योरेन्स अग्रस्थानमा रहेको छ । कम्पनीको ५४ करोड १ लाख ८४ हजार १ सय ८६ रुपैयाँको कारोबार भएको छ ।

आजको दिन नेप्सेमा समाज लघुवित्त वित्तीय संस्थाका लगानीकर्ताले सबैभन्दा धेरै कमाएका छन् । कम्पनीको सेयरमूल्य ६.१० अंकले घटेको छ ।
त्यस्तै आजको दिन साम्लिङ पावर कम्पनीका लगानीकर्ताले सबैभन्दा धेरै गुमाएका छन् । कम्पनीको सेयरमूल्य ९.४२ प्रतिशतले घटेको छ ।
कुल ३०९ कम्पनीको १ करोड १५ लाख १४ हजार ५ सय ७१ कित्ता किनेबच हुँदा ४ अर्ब १८ करोड ६ लाख ३२ हजार १ सय ३९ रुपैयाँको कारोबार भएको नेप्सेले जनाएको छ ।