काठमाडौँ । नियमित मर्मतका लागि आज मनकामना केबलकार बन्द भएको छ ।
मनकामना दर्शन प्रालिले एक सुचना जारी गर्दै नियमित मर्मतसम्भार गर्नुपर्ने भएकाले वुधबार केबलकार सेवा बन्द गरिएको जनाएको थियो ।
मर्मतसम्भारपछि बिहिबारदेखि नियमितरुपमा केबलकार सञ्चालनमा ल्याइने मनकामना दर्शन प्रालिका निर्देशन राजेशबाबु श्रेष्ठले जानकारी दिए ।
प्रसिद्ध धार्मिकस्थल मनकामनामाईको मन्दिरमा पूजा गर्न जाने दर्शनार्थीको सहजताका लागि चितवनको इच्छाकामना-४ कुरिनटारबाट १० मिनेटमा पुग्नेगरी वि.सं.२०५५ मा उक्त केबलकार सेवा स्थापना गरिएको थियो ।
प्रतिक्रिया दिनुहोस्