काठमाडौँ। साताको कारोबारको तेस्रो दिन सेयरबजार दोहारो अंकले बढेको छ। नेपाल स्टक एक्सेचन्जका अनुसार मंगलबार सेयर मापक सूचक नेप्से परिसूचक ३३.१५ अंकले बढेर २११५.२४ अंकमा पुगेको छ ।
आज नेप्सेमा कारोबार भएका कुल १३ ओटै उपसमुहको सेयरमूल्य बढेको छ ।
आजको दिन नेप्सेमा कारोबार रकमका आधारमा एनआरएन इन्फ्रास्ट्रक्चर एण्ड डेभलपमेन्ट लिमिटेड अग्रस्थानमा रहेको छ । कम्पनीको ३६ करोड ३० लाख ९२ हजार ९१० रुपैयाँको कारोबार भएको छ ।
मंगलबार बरुण हाइड्रो कम्पनी, ग्रिन भेन्चर, कुथुली बुखुरी स्मल हाइड्रो, भगवती हाइड्रोपावर डेभलपमेन्ट कम्पनी र अप्पर हेवा खोला हाइड्रोपावर कम्पनीका लगानीकर्ताले सबैभन्दा धेरै कमाएका छन् । कम्पनीको सेयरमूल्य क्रमश १० प्रतिशत, १० प्रतिशत, १० प्रतिशत, १० प्रतिशत र ९.९८ प्रतिशतले बढेर सकारात्मक सर्किट लागेको छ ।
साम्लिङ पावार कम्पनीका लगानीकर्ताले सबैभन्दा बढी गुमाएका छन् । कम्पनीको सेयरमूल्य ५.८१ प्रतिशतले घटेको छ ।
कुल ३११ कम्पनीको एक करोड २६ लाख ६५ हजार ३२९ कित्ता सेयर किनबेच हुँदा ५ अर्ब ५५ करोड ५३ लाख ६१ हजार ७३९ रुपैयाँको कारोबार भएको नेप्सेले जनाएको छ ।
प्रतिक्रिया दिनुहोस्