काठमाडाैँ । एक वर्षमा सैनिक कल्याणकारी कोषको नगद मौज्दात ४ अर्ब बढीले वृद्धि भएको छ । बिहीवार सैनिक कल्याणकारी कोषले आर्थिक वर्ष २०८०\०८१ मा कोषले गरेका गविधि सार्वजनिक गर्दै पछिल्लो एक वर्षमा ४ अर्ब ८५ करोड २७ लाख रुपैयाँ नगद मौज्दात वृद्धि भई ७५ अर्ब ९० करोड ८८ लाख रुपैयाँ पुगेको जनाएको हो ।
सैनिक कल्याणकारी कोषको गत २०८० असारमसान्तसम्म ७१ अर्ब ५ करोड ६१ लाख मौज्दात रहेकोमा एक वर्षमा ४ अर्ब बढीले वृद्धि भएको कोषले जनाएको छ । कोषले एक वर्षसम्म गरेको ६ अर्ब ९७ करोड ८६ लाख लगानी समेत जोड्दा कोषको वास्तविक सम्पति ८२ अर्ब ८८ करोड ७४ लाख रुपैयाँ पुगेको छ ।
कोषका अनुसार ७५ अर्ब ९० करोड ८८ लाख रुपैयाँ मध्ये वाणिज्य बैंकमा ७५ करोड ७६ लाख ९ हजार २९१, विकास बैंक ४४ हजार ४०३ र वित्त कम्पनीमा ९५ हजार १२७ गरी ७५ करोड ९० लाख ८ हजार ८२१ रुपैयाँ रहेको छ ।
नेपाली सेनाले सैनिक कल्याणकारी कोषमार्फत सरकारलाई रोजगारी अवसर,रावश्वमा योगदान,विष्फोटक पदार्थमा आत्मनिर्भर,दक्ष जनशक्ति उत्पादन र सर्वसारणलाई निःशुल्क औषधि उपचारमा योगदान गर्दै आएको जनाएको छ ।
कोषले सरकारलाई वार्षिक १ अर्ब रुपैयाँ बराबरको राजश्वमा योगदान दिँदै आएको जानकारी कोषले दिएको छ । बिष्फोटक पदार्थमा आत्मनिर्भर बनाउँदै अतिरिक्त बिष्फोटक पदार्थ आयात गर्न लाग्ने विदेशी मुद्रा समेत सञ्चित गरेको दाबी सैनिक कल्याणकारी कोषको छ ।
प्रतिक्रिया दिनुहोस्