आईपिओ निष्काशन हुनुपर्छ तर ठगेर बदनाम गराउनु हुँदैनः कांग्रेस प्रमुख सचेतक घिमिरे

काठमाडाैँ । नेपाली कांग्रेसका प्रमुख सचेतक श्यामकुमार घिमिरेले प्राथमिक सेयर निष्काशन हुन नसक्दा समस्या भएको बताएका छन् । सार्वजनिक लेखा समितिले गरेको निर्णयमा अलमल भएको बताउँदै समितिमा पुनः छलफल हुने उनले बताए।

विश्वभर निजी क्षेत्रले विकास गरेको उनले बताए। “निजी क्षेत्र भनेको जनता हो। निजी क्षेत्रलाई प्रवद्र्धन गर्न नेपाली कांग्रेसले सहयोग गर्छ,” उनले भने, “तर नियत नै ठगीको राखेर सेयर निष्काशन गर्नु हुँदैन नियमन हुनुपर्छ।”

प्राथमिक सेयर निष्काशनको अवधारण राम्रो रहेको उनले उल्लेख गरे । थप आयोजना निर्माण हुने र सर्वसाधरणले लगानी गर्न पाउने घिमिरे बताउँछन्।

“आईपिओ निष्काशन हुनुपर्छ। सर्वसाधरणले लगानी गर्छन्,” उनले भने, “तर ठगिखाने भाँडो बनाएर आईपिओमै बदनाम गराउनु हुँदैन।यसले आईपिओमै लगानी आउँदैन ।” नेपालले सौर्य उर्जालाई प्राथमिकता दिएर जानुपर्ने उनले बताए।