सात महिनामा लघु जीवन बिमकको व्यवसाय ६२ करोडभन्दा माथि, गार्डियन माइक्रो लाइफ अग्रस्थानमा

काठमाडौँ । चालु आर्थिक वर्ष २०८१\०८२ को सात महिना (साउनदेखि माघ) सम्म लघु जीवन बिमकले ६२ करोडभन्दा बढी रुपैयाँ कुल बिमाशुल्क आर्जन गरेको छन्।

नेपाल बिमा प्राधिकरणले सार्वजनिक गरेको तथ्यांकअनुसार हाल सञ्चालनमा रहेका तीन वटा लघु जीवन बिमकले सात महिनामा ७ लाख ४६ हजार ८ सय वटा बिमालेख जारी गरेर ६२ करोड ५२ लाख रुपैयाँ कुल बिमाशुल्क आर्जन गरेका हुन्।

जसमा सबैभन्दा बढी धेरै गार्डियन माइक्रो लाइफ रहेको छ। उक्त कम्पनीले ५ लाख २४ हजार ४१२ वटा बिमालेख जारी गर्दै २४ करोड ५१ लाख रुपैयाँको कुल बिमाशुल्क आर्जन गरेको छ।

त्यस्तै, क्रेष्ट माइक्रो लाइफले १ लाख ३८ हजार ७३० वटा बिमालेख जारी गर्दै २२ करोड ८४ लाख बिमाशुल्क आर्जन गरेको छ भने लिबर्टी माइक्रो लाइफले ८३ हजार ६५८ वटा बिमालेख जारी गरि १५ करोड १६ लाख रुपैयाँ कुल बिमाशुल्क आर्जन गरेको प्राधिकरणको तथ्यांकले जनाएको छ ।