नेपालको निर्यात ५७ प्रतिशत र आयात ११ प्रतिशतले बढ्यो

काठमाडौँ । नेपालको वैदेशिक व्यापार १५.२९ प्रतिशतले बढेको छ । भन्सार विभागको तथ्यांक अनुसार गत आर्थिक वर्षको ८ महिनामा ११ खर्ब ३० अर्ब ८४ करोड १ लाख ४४ हजार रुपैयाँ बराबरको वैदेशिक व्यापार गरेको थियो भने चालू आर्थिक वर्षको ८ महिनामा १३ खर्ब ३ अर्ब ७३ करोड ८६ लाख ८२ हजार रुपैयाँ बराबरको आयात भएको छ ।

यो अवधिमा नेपालको आयात ११.२० प्रतिशतले बढ्दा निर्यात भने ५७.२० प्रतिशतले बढेको छ । नेपालले गत आर्थिक वर्षको ८ महिनामा एक खर्ब ६१ करोड ७४ लाख ४५ हजार रुपैयाँ बराबरको निर्यात गरेकोमा चालू आर्थिक वर्षको ८ महिनामा एक खर्ब ५८ अर्ब १७ करोड २४ लाख २ हजार रुपैयाँ बराबरको निर्यात गरेको छ ।

नेपालले चालू आर्थिक वर्षको ८ महिनामा ११ खर्ब ४५ अर्ब ५६ करोड ६२ लाख ४० हजार रुपैयाँ बराबरको आयात गरेको छ । गत आर्थिक वर्षको यहि अवधिमा नेपालले १० खर्ब ३० अर्ब २२ करोड २६ लाख ९९ हजार रुपैयाँ बराबरको आयात गरेको थियो ।

नेपालको व्यापार घाटा ६.२२ प्रतिशतले बढेको छ । गत आर्थिक वर्षको ८ महिनामा ९ खर्ब २९ अर्ब ६० करोड ५२ लाख ५५ हजार रुपैयाँ बराबरको आयात भएकोममा चालू आर्थिक वर्षको ८ महिनामा ९ खर्ब ८७ अर्ब ३९ करोड ३८ लाख ३८ हजार रुपैयाँ बराबरको व्यापार घाटा भएको छ ।