मार्चमा एक लाख २१ हजार पर्यटक नेपाल भित्रिए

काठमाडौँ । सन् २०२५ को मार्च महिनामा एक लाख २१ हजार ६८७ पर्यटक नेपाल भित्रिएका छन् । पर्यटन बोर्डका अनुसार सन् २०२४ को मार्चमा एक लाख २८ हजार १६७ पर्यटक नेपाल भित्रिएका थिए ।

सन् २०२४ को मार्च महिनाको तुलनामा सन् २०२५ को मार्च महिनामा पर्यटक आगमनको संख्या ६ हजार ४८० ले घटेको हो ।

सबैभन्दा बढी पर्यटक भारतबाट आएका छन् । मार्च महिनामा भारतबाट २१ हजार ४१२, चीनबाट ११ हजार ४४३, संयुक्त राज्य अमेरिकाबाट ११ हजार ९२, श्रीलंकाबाट ८ हजार ८८६ र बेलायतबाट ५ हजार ९९५ पर्यटक नेपाल भित्रिएका छन् ।

एसियाली देशहरुको सार्क राष्ट्र बाट २९ प्रतिशत, अन्य एसियाली देशहरुबाट २५.८ प्रतिशत, युरोपेली देशहरुबाट २१.२ प्रतिशत पर्यटक नेपाल भित्रिएको पर्यटन बोर्डले जनाएको छ ।