झिनो अंकले बढ्यो नेप्से, कारोबार रकम ७ अर्ब ८४ करोड रुपैयाँ

काठमाडौं । साताको कारोबारको अन्तिम दिन सेयरबजार झिनो अंकले बढेको छ । नेपाल स्टक एक्सचेन्जका अनुसार बिहीबार नेप्से परिसूचक ३.३५ अंकले बढेर २७०३.३९ अंकमा पुगेको छ ।

आज नेप्सेमा कारोबार भएका कुल १३ उपसमुहमध्ये ४ ओटा उपसमुहको सेयरमूल्य बढेको छ भने ९ ओटा उपसमुहको सेयरमूल्य घटेको छ ।

बिहीबार हिमालयन रिइन्स्योरेन्सको सबैभन्दा धेरै कारोबार भएको छ । कम्पनीको ७२ करोड ३२ लाख ३८ हजार ८६० रुपैयाँको कारोबार भएको छ ।

आज ग्रीन भेन्चर लिमिटेडका लगानीकर्ताले सबैभन्दा धेरै कमाएका छन् । कम्पनीको सेयरमूल्य ९.९९ प्रतिशतले बढेको छ ।

त्यस्तै, आज उपकार लघुवित्त वित्तीय संस्थाका लगानीकर्ताहरुले सबैभन्दा बढि गुमाएका छन् । कम्पनीको सेयरमूल्य ७.८५ प्रतिशतले घटेको छ ।

कुल ३२४ कम्पनीको एक करोड ५५ लाख २ हजार ९९८ कित्ता सेयर किनबेच हुँदा ७ अर्ब ८४ करोड ४६ लाख ४२ हजार ४८७ रुपैयाँको कारोबार भएको नेप्सेले जनाएको छ ।