काठमाडाैँ । कानून, न्याय तथा मानव अधिकार समितिले केही नेपाल ऐनलाई संशोधन गर्न बनेको विधेयक, २०८० सम्बन्धी समितिको मस्यौदा प्रतिवेदन, २०८१ लाई सामान्य संशोधनसहित समितिको प्रतिवेदनको रूपमा सर्वसम्मतिले पारित गरेको छ ।
बिहीवार सिंहदरबारमा बसेको प्रतिनिधि सभा अन्तर्गतको कानून, न्याय तथा मानव अधिकार समितिले समितिको मस्यौदा प्रतिवेदन, २०८१ लाई सामान्य संशोधनसहित समितिको प्रतिवेदनको रुपमा सर्वसम्मतिले पारित गरेको हो ।
साथै समितिले चैत्र १५ गते काठमाडौँको तीनकुनेमा राजावादीहरुले प्रदर्शनका क्रममा नेपाली नागरिक दुई जनाको मृत्यु भएको भन्दै घटनाको बारेमा जानकारी लिन गृहमन्त्री रमेश लेखकलाई बोलाउने निर्णय भएको सभापति विमला सुवेदीले बताइन् । समितिको आगामी बैठकमा उक्त घटनाबारे थप छलफल गर्ने पनि बताइन् ।
प्रतिक्रिया दिनुहोस्