काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले अदालतको आदेशको सम्मान गर्दै आफू स्वेच्छिक रूपमा गिरफ्तारी दिन लागेको बताएका छन्।
“सम्मानित अदालतको आदेशको सम्मान गर्दै म आफै आजै अहिले नै गिरफ्तारी दिदैछु। साथै न्यायलयका अन्य ढोकाहरू मेरा लागि खुल्ला होलान् नै। न्यायका लागि दुनियाँका सबै ढोका ढकढकाउछु,”सामाजिक सञ्जालमा लेख्दै उनले भनेका छन् ।
लामिछानेले आफूलाई ठूलो अन्याय भएको दाबी गर्दै चितवनमा हुने सभा रोक्न नहुने आग्रह समेत गरेका छन्। उनले भनेका छन्, “चितवनको सभा नरोक्नुस्।”
गृहमन्त्री रहिसकेका लामिछानेविरुद्ध अदालतको आदेशपछि राजनीतिक माहोल तातेको छ। यसैबिच लामिछानेका समर्थकहरूले उनको समर्थनमा विभिन्न प्रतिक्रिया जनाइरहेका छन्।
प्रतिक्रिया दिनुहोस्