काठमाडौँ । नेपाल राष्ट्र बैंकबाट अनुमतीपत्रप्राप्त भुक्तानी प्रणाली सञ्चालक स्मार्ट च्वाइस टेक्नोलोजिज लिमिटेड (एससिटी) पेमेन्ट कार्ड इन्डस्ट्री सेक्युरिटी स्ट्याण्डर्ड काउन्सिल (पिसिआईएसएससी) को दक्षिण एशिया क्षेत्रीय बोर्डको सदस्यका रूपमा चयन भएको छ ।
यस बोर्डमा नेपालबाट छनोट हुने एकमात्र संस्था एससिटी रहेको छ भने यसका अतिरिक्त गुगल इन्क, नेशनल पमेन्ट्स कर्पोरेसन अफ इन्डिया (एनपिसिआई), युरोनेट युएसए एलएलसी जस्ता भुक्तानी क्षेत्रकासँस्थाहरुको समेत प्रतिनिधित्व रहनेछ ।
पिसिआईएसएससी एक विश्वव्यापी मञ्च हो, जसले पिसिआईडिएसएस लगायतका अन्तर्राष्ट्रिय भुक्तानी सुरक्षाका मापदण्डहरूको विकास र प्रवद्र्धन गर्दै भुक्तानी कारोबारमा निहित साइबर जोखिम र सुरक्षा जोखिमहरू न्यूनीकरण गर्न र रोक्न सहयोग पुर्याउँछ ।
भारत–दक्षिण एशियामा पहिलो पटक गठन भएको यस क्षेत्रिय बोर्ड मार्फत पिसिआई सेक्युरिटी स्टुयाण्डर्ड काउन्सिलले डिजिटल भुक्तानी क्षेत्रको बढ्दो महत्वलाई प्रतिबिम्बित गर्दै विश्वव्यापी सहकार्यलाई थप विस्तार गरेको जनएको छ ।
स्मार्ट च्वाइस टेक्नोलोजीज लिमिटेडका प्रमुख कार्यकारी अधिकृत मनोज घिमिरे भन्छन्, “हामीलाई यो प्रतिष्ठित विश्वव्यापी मञ्चमा नेपालको प्रतिनिधित्व गर्न पाउँदा सम्मानित महसुस भइरहेको छ । यस सम्मानले नेपाल र दक्षिण एशियामा सुरक्षित डिजिटल भुक्तानी प्रवद्र्धन गर्ने एससिटीको प्रतिबद्धतालाई पुष्टि गर्दछ । हामी हाम्रो भुक्तानी कार्डको विशेषज्ञता मार्फत योगदान गर्न र भुक्तानी प्रणालीलाई अझ सबल बनाउने हेतु क्षेत्रीय सहकार्यलाई मजबुत बनाउन तात्पर छौँ ।”
क्षेत्रीय संलग्नता बोर्ड (आरईबी) का सदस्यका रूपमा, एससिटीले निम्न भूमिकाहरू निर्वाह गर्नेछ
– दक्षिण एशियामा भुक्तानी सुरक्षासम्बन्धी चुनौतीहरू र अवसरबारे पिसिआईएसएससीलाई परामर्श प्रदान गर्ने ।
– मापदण्ड र कार्यक्रम विकाससम्बन्धी सुझाव तथा प्रतिक्रिया दिने ।
– दक्षिण एशियाभर पिसिआईएसएससीका मापदण्ड र उत्कृष्ट अभ्यासबारे शिक्षा तथा सचेतना बढाउन मध्यस्तकर्ताको भूमिका निर्वाह गर्ने ।
प्रतिक्रिया दिनुहोस्