असोजका लागि वाणिज्य बैंकहरूले गरे नयाँ ब्याजदर निर्धारण

काठमाडाैँ । वाणिज्य बैंकहरूले असोज महिनाका लागि नयाँ ब्याजदर निर्धारण गरेका छन् । बैंकहरूले जारी गरेको विवरणअनुसार भदौको तुलनामा असोजमा औषध ब्याजदर घटेको छ । 

भदौमा व्यक्तिगत मुद्दति निक्षेपमा अधिकतम औषत ५.५७ प्रतिशत बिन्दुका दरले ब्याज दिइरहेका बैंकहरूले असोजमा औसतमा ५.४६ प्रतिशत बिन्दुकार दरले ब्याजदर दिने भएका छन् । बैंकहरूले चालु आर्थिक वर्षको सुरूदेखि नै ब्याजदर घटाउने क्रममा निन्तरता दिएका हुन् ।

असोजका लागि ९ वटा बैंकले ब्याजदर घटाएका छन् भने ९ वटा बैंकले भदौ महिनाकै व्याजदरलाई यथावत राखेका छन् । दुई वटा बैंकहरूले भने ब्याजदर बढाएका छन् । असोज महिनाको लागि लक्ष्मी सनराईज र स्ट्याण्डर्ड चार्टर्ड बैंकले व्याजदर बढाएका हुन् ।

लक्ष्मी सनराईजले ५.२५ प्रतिशत र स्ट्याण्डर्ड चार्टर्ड बैंकले ५.१८ प्रतिशत ब्याजदर कायम गरेको छ ।  ५ वटा बैंकले सबैभन्दा बढी ६ प्रतिशतसम्म ब्याज दिने जनाएका छन् । एनआईसी एशिया, माछापुच्छ्रे ग्लोवल आईएमई, एनएमबी र हिमालयन बैकले ६ प्रतिशत ब्याजदर दिन लागेका हुन् । यीमध्ये एनआईसी एसियाले ६.२५ प्रतिशतबाट घटाएर ६ प्रतिशत ब्याजदर कायम गरेको हो भने अन्य बैकहरूको भदौ महिनाकै यथावत हो । 

प्राईम कमर्सियल बैंकले ६ प्रतिशतबाट घटाएर ५.५ प्रतिशत कायम गरेको छ । सिद्धार्थ बैंक, राष्ट्रिय वाणिज्य बैक, नबिल बैंकले पनि समान ५.५ प्रतिशत व्याजदर कायम गरेको छन् । यी बैंकहरुले भदौकै ब्याजदरलाई निरन्तरता दिएका हुन् । प्रभु बैंक र नेपाल ईन्भेष्टमेन्ट मेगा बैकले पनि भदौ महिनाकै ब्याजदर यथावत राखेका छन् । भदौमा प्रभुले ५.३५ र नेपाल ईन्भेष्टमेण्ट मेगाले ५.२५ प्रतिशत ब्याजदर कायम गरेका छन् । 

सानिमा, एभरेष्ट, सिटिजन, नेपाल बंैक, लक्ष्मी सनराईज बैंकले समान ५.२५ प्रतिशत व्याजदर तोकेका छन् । यसैगरी नेपाल एसवीआईले ५.१८, कृषि विकास बैंकले ५.०५ र कुमारी बैंकले ५.०१ प्रतिशत व्याजदर असोज महिनाको लागि तोकेका छन् ।

भदौमा सानिमा र एभरेष्टको समान ५.७५, सिटिजनको ५.५, नेपाल बैकको ५.४, लक्ष्मी सनराईज बैंकको ५, नेपाल एसवीआईको ५.२५, कृषि विकास बैकको ५.२ र कुमारी बंैकको ५.२१ प्रतिशत व्याजदर तोकिएको थियो ।