आइतबार ४७ अंकले बढ्यो नेप्से, ५ अर्ब ५३ करोड रूपैयाँ बढीको कारोबार

काठमाडौं । साताको कारोबारको पहिलो दिन सेयरबजारमा हरियाली छाएको छ । नेपाल स्टक एक्सचेन्जका अनुसार आइतबार सेयर मापक सूचक नेप्से परिसूचक ४७.५५ अंकले बढेर २६३३.४२ अंकमा पुगेको छ ।

आज नेप्सेमा कारोबार भएका कुल १३ ओटै उपसमुहको सेयरमूल्य बढेको छ ।

आइतबार नेप्सेमा युनियन हाइड्रोपावरको सबैभन्दा धेरै कारोबार भएको छ । कम्पनीको २७ करोड ६० लाख ३५ हजार रूपैयाँ बढिको कारोबार भएको हो ।

आजको दिन मिड सोलु हाइड्रोपावरका लगानीकर्ताले सबैभन्दा धेरै कमाएका छन् । कम्पनीको सेयरमूल्य ९.४९ प्रतिशतले बढेको छ।

आज विन नेपाल लघुवित्त वित्तीय संस्थाका लगानीकर्ताहरूले सबैभन्दा बढी गुमाएका छन् । कम्पनीको सेयरमूल्य १० प्रतिशतले घटेको छ ।

कुल ३२८ कम्पनीको एक करोड ३४ लाख ६८ हजार १४५ कित्ता सेयर किनबेच हुँदा ५ अर्ब ५३ करोड १३ लाख ७० हजार रूपैयाँ बढिको कारोबार भएको नेप्सेले जनाएको छ ।