काठमाडाैँ । सामा चकेवा महोत्सव—२०८१ अन्तर्गत सामा चकेवा खेल प्रतियोगिता सम्पन्न भएको छ । मैथिली विकास कोषको आयोजनामा आयोजित सामा चकेवा खेल प्रतियोगितामा मिथिलेश्वर मौवाहीको सामा चकेवा समूह पहिलो स्थान प्राप्त गरेको छ ।
९ वटा समूह सहभागी भएको प्रतियोगितामा मोडर्न नेपाल इंगलिश मिडियम बोर्डिङ्ग स्कुल जनकपुरधाम ७ ले दोस्रो स्थान प्राप्त गरेको थियो । त्यस्तै तेस्रो स्थान सखी बहिनपा मैथिलानी समूहले प्राप्त गरेका थिए ।
प्रतियोगितामा प्रथम स्थान प्राप्त गर्ने समूहलाई ११ हजार राशीले पुरस्कृत गरिएको थियो । त्यस्तै दोस्रो स्थान प्राप्त गर्ने समूह ७ हजार र तेस्रो स्थान प्राप्त गर्ने समूहलाई ५ हजार राशीबाट पुरस्कृत गरिएको हो ।
सामा चकेवा खेल प्रतियोगितामा व्रह्मर्षी महिला समाज, जानकी सामा चकेवा समूह, सीता सामा चकेवा समूह, वैदेही सामा चकेवा समूह, जानकी चोक सामा चकेवा समूह र दक्षिणकाली सामा चकेवा समूहले सहभागिता जनाएको थियो । यी समूहहरुलाई पनि २ हजार राशी सहित सम्मान गरिएको थियो ।
प्रतिक्रिया दिनुहोस्