काठमाडौं । साताको कारोबारको तेस्रो दिन सेयरबजारमा झिनो अंकको गिरावट भएको छ ।
नेपाल स्टक एक्सचेन्जका अनुसार मंगलबार सेयर मापक सूचक नेप्से परिसूचक ४.८७ अंकले घटेर १९३३.८८ अंकमा झरेको छ भने सेन्सेटिभ परिसूचक पनि ०.३५ अंकले घटेर १३७.२१ अंकमा झरेको छ ।
आज नेप्सेमा कारोबार भएका कुल १३ उपसमुहमध्ये ३ वटा उपसमुहको सेयर बढेको छ भने बाँकी १० उपसमुहको सेयर घटेको छ ।
मंगलबार नेप्सेमा शिबम् सिमेन्टको सबैभन्दा धेरै कारोबार भएको छ । कम्पनीको ८ करोड १२ लाख ३४ हजार ७ सय ९९ रुपैयाँको कारोबार भएको छ ।
नेप्सेमा आजको दिन धौलागिरी लघुवित्त वित्तीय संस्थाका लगानीकर्ताले सबैभन्दा धेरै कमाएका छन् । संस्थाको सेयरमूल्य ८.१७ प्रतिशतले बढेको छ ।
त्यस्तै आज एनएमबी बैंकका लगानीकर्ताले सबैभन्दा धेरै गुमाएका छन् । बैंकको सेयरमूल्य ६.०७ प्रतिशतले घटेको छ ।
कुल २३८ कम्पनीको २५ लाख ८१ हजार ४ सय २५ कित्ता सेयर किनबेच हुँदा ९६ करोड ५२ लाख १० हजार८ सय ९९ रुपैयाँको कारोबार भएको नेप्सेले जनाएको छ ।
प्रतिक्रिया दिनुहोस्