काठमाडौँ । टाटा जेन्युइन पार्टस् र टाटा मोटर्स जेन्युइन आयलको नेपालको आधिकारिक बिक्रेता सिप्रदी अटोपार्ट र नेपालको अनलाइन स्टोर दराजबीच सहकार्य गर्ने सम्झौता भएको छ ।
अनलाइन स्टोर दराजमा टाटा जेन्युइन पार्ट र टाटा मोर्टस् जेन्युइन आयल उपलब्ध हुन थालेको छ ।
काठमाडौंस्थित हायात प्यालेस होटेलमा आयोजित एक कार्यक्रममा सिप्रदी कम्पनीका प्रमुख कार्यकारी अधिकृत राजनबाबु श्रेष्ठ र टाटा मोटर्सका अन्तर्राष्ट्रिय व्यापार प्रमुख राकेश मित्तलको प्रमुख उपस्थितिमा सिप्रदी अटोपार्टसका सिनियर जेनरल म्यानेजर युवराज बुढराथोकी र दराज अनलाइन स्टारका व्यापार अधिग्रहण तथा आवरण प्रमुख नबिन रानामगरबिच सहमति र सहकार्यको सम्झौता भएको हो।
अब टाटा मोटर्सका ग्राहकहरूले छिटो छरितो र सहज रुपमा टाटा जेन्युइन पार्टस् तथा टाटा मोटर्स जेन्युइन आयल खरिद गर्न सक्नेछन्।
यसबाट ग्राहकहरू नक्कली पार्टपूर्जाबाट ठगिनबाट बच्ने र उचित मूल्यमा जेन्युइन पार्टहरू प्राप्त गर्न सक्ने कम्पनीले जनाएकाे छ ।
प्रतिक्रिया दिनुहोस्