एनआरएनए फुटाउने खेलमा नलाग्न महाधिवेशन प्रतिनिधिहरूको चेतावनी

काठमाडाैँ । गैरआवासीय नेपाली संघको एकता महाधिवेशनका लागि नेपाल आएका प्रतिनिधिहरूले महाधिवेशन सफल बनाउनुपर्नेमा जोड दिएका छन् ।

वर्तमान समयमा नेपालका राजनीतिक दलहरूले एनआरएनएका विषयमा फरक—फरक तरिकाबाट व्याख्या गरिदिएकाले पनि यो महाधिवेशन विशेष रहेको उनीहरूको भनाइ छ ।

मंगलवार नेपाल आएका युरोपका प्रतिनिधिहरूले नेपालको कानूनले दिएका सम्पूर्ण प्रक्रिया पूरा गरी महाधिवेशन सफल बनाउने बताएका छन् । बाध्यात्मक अवस्थामा महाधिवेशन गर्नुपर्ने भएकाले सञ्चारकर्मी, राजनीतिक दल, नागरिक समाजलगायत संवद्ध सबैलाई महाधिवेशन सफल बनाउन उनीहरूको आग्रह छ । 

साथै प्रतिनिधिहरुले संस्थापक सदस्य या अन्य जो कोही भएपनि कुनैपनि बहानामा एनआरएनए फुटाउने खेलमा नलाग्न संवद्ध सबैलाई अनुरोध गरेका छन् ।