काठमाडौँ । नेपाल राष्ट्र बैंकले आइतबार ५० अर्ब रूपैयाँ निक्षेप संकलन गर्ने भएको छ ।
बैंक तथा वित्तीय संस्थाहरुमा अधिक तरलता भएपछि राष्ट्र बैंकले बोलकबोलको माध्यमबाट २८ दिनको लागि ५० अर्ब रूपैयाँ निक्षेप संकलन गर्न लागेको हो ।
यसको साँवा ब्याज राष्ट्र बैंकले २०८२ भदौ ८ गते भुक्तानी गर्ने जनाएको छ ।
निक्षेप संकलन उपकरणको बोलकबोलमा “क”, “ख” र “ग” वर्गका बैंक तथा वित्तीय संस्था मात्र सहभागी हुन पाउने छन् ।
प्रतिक्रिया दिनुहोस्