अमेरिकी राष्ट्रपति डोनाल्ड ट्रम्पले आगामी नोभेम्बरमा हुने एशिया भ्रमणका क्रममा उत्तर कोरियाका सर्वोच्च नेता किम जोङ उनसँग भेट हुनसक्ने संकेत गरेका छन् ।
सोमबार ह्वाइट हाउसमा पत्रकारहरूले एसिया भ्रमणका क्रममा किमसँग भेट गर्ने योजना छ कि छैन भनेर सोध्दा ट्रम्पले सम्भावना रहेको बताएका हुन् ।
ट्रम्पले आगामी महिना चीनमा आयोजना हुने एशिया प्रशान्त आर्थिक सहयोग (एपेक) का नेताहरूको बैठकमा सहभागी हुने आफ्नो इच्छा व्यक्त गर्दै आएका छन् । सोही भ्रमणका क्रममा किमसँग भेटवार्ता हुन सक्ने सम्भावनाबारे चर्चा भएको हो ।
यसअघि गत अगस्टमा पनि ट्रम्पले यसै वर्ष किमसँग भेट हुने अपेक्षा गरेको बताएका थिए । यदि भेटवार्ता भएमा अमेरिका र उत्तर कोरियाबीचको सम्बन्ध, कोरियाली प्रायद्वीपको सुरक्षा तथा आणविक निशस्त्रीकरणका विषयमा छलफल हुने सम्भावना रहन सक्छ ।
यद्यपि दुवै नेताबीचको भेटको मिति, स्थान र औपचारिक कार्यक्रमबारे यस समाचारमा कुनै पुष्टि गरिएको छैन ।
प्रतिक्रिया दिनुहोस्