काठमाडौँ । प्रधानमन्त्री केपी शर्मा ओली पाँच दिने चीन भ्रमणमा प्रस्थान गरेसँगै उपप्रधानमन्त्री एवम् शहरी विकासमन्त्री प्रकाशमान सिंहले कार्यवाहक प्रधानमन्त्रीको जिम्मेवारी पाएका छन् ।
प्रधानमन्त्री ओलीको अनुपस्थितिमा सिंहलाई कार्यवाहक तोक्ने निर्णय राष्ट्रपति रामचन्द्र पौडेलले ओलीकै सिफारिसमा गरेका हुन् । ओली नेतृत्वको मन्त्रिपरिषद्मा सिंह दोस्रो वरियतामा रहेका छन् ।
प्रधानमन्त्री ओली शनिबार बिहान चीनको तियानजिन प्रस्थान गरेका छन् । उनी शाङ्घाई सहयोग सङ्गठन (एससीओ) को शिखर सम्मेलनमा सहभागी हुन चीन गएका हुन् ।
प्रतिक्रिया दिनुहोस्