काठमाडौँ । एमबीएल सामूहिक लगानी कोषअन्तर्गत ‘माछापुच्छ्रे एसआईपी योजना’को इकाई बिक्री आजदेखि सुरु भएको छ।
माछापुच्छ्रे बैंक प्रवर्द्धक र माछापुच्छ्रे क्यापिटल योजना व्यवस्थापक रहेको यस योजनाले पहिलो चरणमा २ करोड इकाई बिक्री खुला गरेको हो।
कुल निष्कासनको १५ प्रतिशत (७५ लाख इकाई) प्रवर्द्धक समूहका लागि छुट्याइएको छ। यसमा ७० लाख इकाई माछापुच्छ्रे बैंक र ५ लाख इकाई माछापुच्छ्रे क्यापिटलका लागि सुरक्षित राखिएको छ।
न्यूनतम १०० इकाईदेखि अधिकतम २० लाख इकाईसम्म आवेदन दिन सकिनेछ। आवेदन नेपाल धितोपत्र बोर्डबाट अनुमति प्राप्त सर्व ब्क्द्यब् सदस्य बैंक तथा वित्तीय संस्थाका शाखामार्फत भर्न सकिन्छ।
इकाई बिक्री छिटोमा मंसिर १७ गते र ढिलोमा मंसिर २८ गते बैंकिङ समयसम्म बन्द हुनेछ। निष्कासन तथा बिक्री प्रबन्धकको भूमिका माछापुच्छ्रे क्यापिटलले निभाइरहेको छ।
‘माछापुच्छ्रे एसआईपी योजना’को कुल फन्ड साइज ५ करोड इकाई रहेको छ, जसअन्तर्गत पहिलो चरणमा २ करोड इकाई सार्वजनिकरूपमा बिक्री गरिँदैछ।
प्रतिक्रिया दिनुहोस्