काठमाडौँ । रिलाइन्स स्पिनिङ मिल्सको आइपीओ निष्कासन भएको आधा घण्टा (साढे १० बजेसम्म) मै ‘ओभर सब्सक्राइभ’ भएको छ ।
कम्पनीले आज (सोमबार) देखि वैदेशिक रोजगारीमा गएकाहरुको लागि १ लाख १५ हजार ५९६ कित्ता शेयर निष्काशन गरेको थियो । कम्पनीले सार्वजनिक निष्काशनका लागि छुट्याएको ११ लाख ५५ हजार ९६० कित्ताको १० प्रतिशत कित्ता शेयर निष्काशन गरेको छ ।
आइपीओ निष्कासन भएको एक घण्टामै १ लाख १८ हजार ३४० कित्ताको लागि आवेदन परेको कम्पनीले जनाएको छ ।
विभिन्न ३६ बैंकबाट १ हजार ९७० लगानीकर्ताले आवेदन दिएका छन् । वैदेशिक रोजगारीमा गएकाहरुको लागि मंसिर २५ (बिहीबार) सम्म आवेदन दिन सक्नेछन् ।
प्रतिक्रिया दिनुहोस्