काठमाडाैँ । प्रतिनिधि सभाकी सांसद प्रभा ढकालले मापदण्ड विपरितका अस्पतालमाथि कडा कारबाही गर्न सरकारसँग माग गरेकी छिन् ।
मंगलबार बसेको प्रतिनिधि सभा बैठकमा बोल्दै उनले उक्त माग गरेकी हुन् । सांसद ढकालले सरकारले स्वास्थ्यकर्मीहरुलाई तत्काल उचित पारिश्रमिकको व्यवस्था गर्नुपर्ने आवश्यकता क आैँल्याइन । संविधानमा उल्लेख गरिएको स्वास्थ्य सम्बन्धि मौलिक हकलाई लागू गरी सरकारले स्वास्थ्यकर्मीहरुको उचित सम्मान गर्न आवश्यक रहेको उनको भनाई थियो ।
सांसद ढकालले भनिन्, “स्वास्थ्य सेवा खस्किदै गएको छ । विरामी र आफन्तहरु गुनासो गर्न बाध्य छन । संविधानले सुनिश्चित गरेको स्वास्थ्यको मौलिक हक व्यवहारमा किन लागू हुन सकेको छैन ? मापदण्ड नपुगेका अस्पताल, स्वास्थ्य संस्थामाथि सरकारले कडा कारबाही गरोस् । र स्वास्थ्यकर्मीलाई सरकारले सम्मानजनक ढंगले पारिश्रमिक दिइयोस् ।”
सांसद ढकालले सरकारले स्वास्थ्य सेवालाई गुणस्तरीय बनाउने प्रयास गर्न नसकेको भन्दै असन्तुष्टि पनि व्यक्त गरिन् ।
प्रतिक्रिया दिनुहोस्