काठमाडौं । भोटेकोसी बाढीपछि जारी खोज तथा उद्धार अभियान र समग्र सुरक्षा अवस्थाबारे प्रधानमन्त्री वालेन्द्र शाहले सुरक्षा निकायका प्रमुखसँग छलफल गरेका छन् ।
प्रधानमन्त्री शाहले सोमबार बिहानैदेखि सुरक्षा निकायका प्रमुखबाट बाढी प्रभावित क्षेत्रको पछिल्लो अवस्था, उद्धार तथा राहत अभियानबारे जानकारी लिइरहेका हुन्।
प्रधानसेनापति अशोकराज सिग्देलले प्रधानमन्त्री शाहलाई हालसम्म नेपाली सेनाले सञ्चालन गरेका खोज, उद्धार, राहत तथा व्यवस्थापनका गतिविधिबारे जानकारी गराएका छन्।
प्रधानमन्त्रीले त्यसपछि सशस्त्र प्रहरी बलका महानिरीक्षक नारायणदत्त पौडेल र नेपाल प्रहरीका महानिरीक्षक दानबहादुर कार्कीबाट समेत ब्रिफिङ लिने कार्यक्रम रहेको प्रधानमन्त्रीको सचिवालयले जनाएको छ।
भदौ १० गते बिहान भोटेकोसीमा आएको बाढीबाट ठूलो जनधनको क्षति भएको छ। बाढीमा परी ९०३ जनाको मृत्यु भएको र ४ हजार २४७ जना अझै सम्पर्कविहीन रहेको बताइएको छ।
सुरक्षा निकायबाट प्राप्त पछिल्लो विवरणका आधारमा खोज तथा उद्धार, राहत वितरण र प्रभावित क्षेत्रको व्यवस्थापनलाई थप प्रभावकारी बनाउने विषयमा प्रधानमन्त्रीले आवश्यक निर्देशन दिने तयारी गरेका छन्।
प्रतिक्रिया दिनुहोस्