काठमाडौँ । लुम्बिनी विकास बैंक लिमिटेडले आज १७औं वार्षिक साधारण सभा सम्पन्न गरेको छ । साधारण सभाले आ. ब. २०८०\०८१ को बार्षिक प्रतिबेदन पारित गरी आ.ब. २०८१\८२ को लागि लेखापरीक्षकको नियुक्ति लगायतका प्रस्तावहरूसँगे शेयरधनीहरूलाई ४.०० प्रतिशत नगद लाभांश र ३.०० प्रतिशत बोनस शेयर सहित कुल ७.०० प्रतिशत लाभांश वितरण गर्ने प्रस्ताव समेत पारित गरेको छ ।
बैंकका सञ्चालक समितिका अध्यक्ष चिन्तामणी भट्टराईकाे अध्यक्षतामा सम्पन्न १७ औँ वार्षिक साधारण सभामा आ.ब. २०८०\८१ को वार्षिक प्रतिवेदन उपर सहभागी शेयरधनीहरूले राखेकाे जिज्ञासाहरूको अध्यक्ष र प्रमुख कार्यकारी अधिकृत नरेश सिंह बोहराले स्पष्ट पारेका थिए ।
देशका ७ वटै प्रदेशमा शाखा सञ्चालन गरि कारोबार गर्दै आइरहेको लुम्बिनी विकास बैंक लिमिटेडको बिभिन्न स्थानहरूमा गरी ८९ वटा शाखा कार्यालयहरू तथा एक विस्तारित शाखा (एक्सटेन्सन काउण्टर) स्थापना भएको छ । यस लुम्बिनी विकास बैंक लिमिटेडले “निरन्तर सहयात्रा” भन्ने नाराका साथ उच्चस्तरीय, आधुनिक एवं नविनतम प्रविधिहरु सहितको सुरक्षित बैंकिङ्ग सेवा प्रदान गर्दै आईरहेको छ ।
प्रतिक्रिया दिनुहोस्