ग्रीन भेन्चर्सको २.८२ कित्ता सेयरको ‘लक इन’ अवधि आजदेखि समाप्त

काठमाडौं । ग्रीन भेन्चर्स लिमिटेडको लक इन समयावधि आजदेखि समाप्त भएको छ। कम्पनीको २ करोड ८२ लाख १६ हजार ९५० कित्ता सेयरको लक इन आजदेखि समाप्त भएको हो ।

कम्पनीले बुधबार एक सूचना जारी गर्दै संस्थापक सेयर, आयोजना प्रभावित क्षेत्रका बासिन्दाका लागि बाँडफाँड गरिएको तथा कर्मचारीका लागि सुरक्षित गरिएको सेयरको लक इन अवधि समाप्त जनाएको छ ।

लक इन अवधि खुलेको कुल सेयरमा २ करोड ५० लाख कित्ता संस्थापक सेयर, आयोजना क्षेत्रका स्थानिय बासिन्दालाई बाँडफाँड गरिएको ३१ लाख २३ हजार २ सय कित्ता रकर्मचारीका लागि बाँडफाँड गरिएको ९३ हजार ७५० कित्ता रहेको छ ।

कम्पनीले आयोजना प्रभावित क्षेत्रका बासिन्दाका लागि विसं २०७८ फागुन २ गतेदेखि फागुन २० गतेसम्म आईपीओ निष्कासन गरेको थियो । उक्त आईपीओ सोही वर्षको फागुन २९ गते बाँडफाँड गरेको कम्पनीले आम सर्वसाधारण९कर्मचारी समेत०का लागि भने विंस २०७८ चैत ८ गतेदेखि चैत ११ गतेसम्म आईपीओ निष्कासन गरेको थियो । कम्पनीले उक्त आईपीओ बाँडफाँड सोही वर्षको चैत २० गते गरेको थियो ।

धितोपत्र बार्डले कम्पनीले सर्वसाधारणका लागि निष्कासन गरि बाँडफाँड गरिएको मितिले तीन वर्ष समाप्त नभएसम्म संस्थापक सेयरधनीले धारण गरेको,स्थानिय बासिन्दा तथा कर्मचारीलाई बाँडफाड गरिएको सेयर लक इनमा राख्नु पर्ने व्यवस्था गरेको छ ।