काठमाडौँ । युद्ध अन्त्यका लागि अमेरिका र इराबिच वार्ताको पहल भइरहेको छ ।
पहिलो चरणको वार्ता असफल भएपछि पाकिस्तानले इस्लामाबादमा अर्को चरणको वार्ता आयोजना गर्न प्रस्ताव गरेको अलजजिराले जनाएको छ ।
पहिलो चरणको वार्ता असफल भएपछि अमेरिकी राष्ट्रपति डोनाल्ड ट्रम्पले हर्मुज जलमार्ग नकाबन्दीको घोषणा गरेका छन् ।
हर्मुज जलमार्गमा टकराव बढ्दै जानु र दुई हप्ताको युद्धविराम सकिनै लाग्दा फेरि कूटनीतिक माध्यामबाट समस्या समाधान गर्ने प्रयास भएको हो ।
अमेरिकाले हर्मुज जलमार्ग बन्द गर्ने घोषणा गरेपछि चनाव बढ्दो छ । तनावकैबिच वार्ताको पहल भइरहेको खबर सार्वजनिक भएको हो ।
अप्रिल ७ मा घोषणा गरिएको दुई हप्ताको युद्धविराम सकिनुअघि नै नयाँ वार्ता गर्ने प्रयास भइरहेको ब्लुमबर्गले उल्लेख गरेको छ ।
पाकिस्तानी प्रधानमन्त्री शहबाज सरिफले पनि द्वन्द्व समाधानका लागि प्रयासहरू जारी रहेको बताएका छन् ।
अमेरिकी नाकाबन्दी सुरू भएको घोषणा गर्दा पनि अमेरिकी राष्ट्रपति ट्रम्पले संवाद चलिरहेको जानकारी गराएका थिए ।
प्रतिक्रिया दिनुहोस्