सशस्त्र प्रहरीका एआइजी वंशीराज दाहाल बर्खास्त

काठमाडौँ । सशस्त्र प्रहरी अतिरिक्त महानिरीक्षक (एआइजी) वंशीराज दाहाललाई सरकारले बर्खास्त गरेको छ ।

गृह मन्त्रालयले विज्ञप्ति जारी गर्दै दाहाललाई आचरणसम्बन्धी विषयमा बारम्बार उल्लङ्घन गरेको, अनुशासनहीन गतिविधिमा संलग्न भएको तथा नेपाल सरकार र आफू कार्यरत सङ्गठनको मान–प्रतिष्ठामा आँच पुग्ने कार्य गरेको ठहर गर्दै सशस्त्र प्रहरी सेवाबाट हटाइएको जनाएको हो ।

२०८३ असोज २३ गतेदेखि लागू हुने गरी उनलाई सशस्त्र प्रहरी सेवाबाट हटाउने निर्णय गरिएको सूचनामा उल्लेख छ ।

मन्त्रालयले जारी गरेको विज्ञप्तिमा दाहालले आचरणसम्बन्धी विषयमा पटक–पटक उल्लङ्घन गरेको, अनुशासनविपरीत काम गरेको र सङ्गठन तथा सरकारको छविमा असर पार्ने गतिविधि गरेको निष्कर्षका आधारमा विभागीय कारबाही गरिएको जनाइएको छ ।

यो पनि पढ्नुहोस

सशस्त्र प्रहरी बलका एआइजी दाहाल निलम्बित,तीन दिनभित्र छानबिन प्रतिवेदन पेश गर्न निर्देशन

सुरक्षा सम्बन्धी संवेदनशील सूचना चुहावट गरी आचरणविपरीत कार्य गरेको आरोपमा सशस्त्र प्रहरी बल प्रधान कार्यालयको सिफारिसपछि गृह मन्त्रालयले दाहाललाई निलम्बन गर्दै असोज १९ गते छानविन समित गठन गरेको थियो । छानबिन समितिको प्रतिवेदनमो आधारमा दाहाललाई बर्खास्त गरिएको हो ।