लिस्बन। तमु समाज पोर्तुगलले आयोजना गर्ने ७औं तमु कप–२०२५ आगामी ३१ अगष्टमा हुने भएको छ ।
लिस्बनस्थित भिटोरिया क्लब डि लिसोब्वा हुने उक्त प्रतियोगितामा ७ ए साइड ओपन विजेताले ५ हजार १ सय युरो पाउनेछन् ।
त्यस्तै ट्रफी र मेडल पनि पाउनेछन् । विजेतालाई दिइने पुरस्कार राशी अहिलेसम्मकै सबैभन्दा ठूलो रहेको हो ।
त्यस्तै उपविजेताले २ हजार ५०० यूरो ट्रफी र मेडल पाउनेछन् । त्यसैगरी भेट्रान ३५+ का विजेताले १ हजार ५०० यूरोसहित ट्रफी र मेडल पाउनेछन् । उपविजेताले भने ७ सय ५० यूरोसहित ट्रफी र मेडल पाउने आयोजकले जनाएको छ ।
यस प्रतियोगिताले नेपाली समुदायबीच खेलकुद, आपसी सद्भाव र भाईचारा बढाउने मात्र नभई समुदायमा नयाँ ऊर्जा र उत्साह पनि उत्पन्न गर्ने आयोजकले जनाएको छ ।
पोर्तुगलमै प्रख्यात रेस्टुरेन्ट दियालो, नेपाली, पोर्तुगीज र भारतीय परिकारका लागि लोकप्रिय गन्तव्य हो । स्वादिष्ट खानेकुरासँगै, यस रेस्टुरेन्टले सामाजिक उत्तरदायित्वमा पनि अग्रणी भूमिका खेल्दै आएको छ।
यसपटक दिवालोले यस प्रतियोगितालाई ठूलो सहयोग दिएको छ, जसले प्रतियोगिताको महत्व र प्रभावलाई अझ बढाएको छ ।
आयोजक तमु (गुरुङ) समाज एसोसिएशन पोर्तुगल (स्थापना २००८) ले यो प्रतियोगितामार्फत नेपाली खेलाडी र दर्शकहरूलाई एक ठाउँमा ल्याउने र खेलकुदको माध्यमबाट समुदायबिच एकता र आपसी सहयोगलाई प्रोत्साहित गर्ने उद्देश्य लिएको छ ।
प्रतिक्रिया दिनुहोस्