काठमाडौँ । घुँडामाथि सम्म दुवै खुट्टा गुमाएका कीर्तिमानी आरोही तथा भूतपूर्व गोर्खा सैनिक हरिबहादुर बुढा मगरले सगरमाथाको कीर्तिमानी आरोहण गरि काठमाडौँ फर्किएका छन् ।
सगरमाथा वेसक्यापबाट काठमाडौँ ओर्लीएका उनलाई विमानस्थलमा पर्यटनमन्त्री सुदन किरातीले नेपाली ढाका टोपी लगाएर स्वागत गरेका छन् । स्वागतका लागि उनका समर्थक, आफन्त, शुभेच्छुक, मगर संघ लगायतका दर्जनौ टोली विमानस्थलमा बाजा र झाँकीसहित स्वागत गरेका छन् ।
जेठ ५ गते दिउँसो ३ बजे सगरमाथाको चुचुरो पाइला टेकेका हरिबहादुरले सगरमाथाको चुचुरो चुम्ने पहिलो ‘डबल एम्प्युटी एभोब नी(घुँडा माथिबाट दुवै अंगविच्छेदन)’ व्यक्तिको विश्व रेकर्ड कायम गरेका छन् ।
(प्रोस्थेटिक) कृतिम खुट्टाको सहायताले बुढामगरले सगरमाथा आरोहण गरेका हुन् । झण्डै ५ वर्षको प्रयासपछि बुढामगरले सगरमाथाको सफल आरोहण गरेका छन् । रोल्पाको थबाङ गाउँपालिकाको मिरुल घर भएका बुढामगरले ब्रिटश सेनामा रहँदा अफगानिस्तानको लडाइँमा सन् २०१० मा आफ्ना दुबै खुट्टा घुँडा भन्दा माथिबाट गुमाएका थिए ।
प्रतिक्रिया दिनुहोस्