प्रधानमन्त्री ओली र थाइल्याण्डकी प्रधानमन्त्री शिनवातबिच भेटवार्ता

काठमाडाैँ । प्रधानमन्त्री केपी शर्मा ओली र थाइल्याण्डका सकमक्षी पे थोङ थान शिनवातबिच दुई पक्षिय भेटवार्ता भएको छ । बुधवार थाइल्याण्डको राजधानी बैंकको सरकारी भवनमा शिष्टाचार भेटवार्ता भएको हो ।

भेटवार्ताका क्रममा दुई सरकारबिच सांस्कृतिक सम्झौता भएको छ । साथै पर्यट सहयोग सम्बन्धी सम्झाैतापत्रमा पनि हस्ताक्षर भएको छ । सांस्कृतिक सम्झौता पत्रमा नेपालको तर्फबाट परराष्ट्रमन्त्री डा. आरजु राणा देउवा र थाइल्याण्डको तर्फबाट संस्कृतिमन्त्री सुदावान वाङसुफाकिजकोसोलले हस्ताक्षर गरेका छन् ।

नेपाल र थाइल्याण्ड सरकारबिच पर्यटन सहयोग सम्बन्धी समझदारी पत्रमा थाइल्याण्डकोतर्फबाट पर्यटन तथा खेलकुदमन्त्री सोरावङ तिएन्थोङले सम्झौतापत्रमा हस्ताक्षर गरे । त्यस्तै नेपाल उद्योग वाणिज्य महासंघ र थाइल्याण्डको व्यापार बोर्डबीच पनि सम्झौता भएको छ । महासंघ र थाईल्याण्डको थाई चेम्बर अफ कमर्स एण्ड बोर्ड अफ ट्रेडबिच आपसी सहकार्यको तथा व्यापार व्यवसाय अभिवृद्धिका विषयमा समझदारी भएको हो ।

दुवै देशका प्रधानमन्त्रीहरूको उपस्थितिमा आज बैंककमा भएको समझदारीपत्रमा नेपाल उद्योग वाणिज्य महासंघका अध्यक्ष चन्द्रप्रसाद ढकाल र थाई चेम्बर अफ कमर्श एण्ड बोर्ड अफ ट्रेडका अध्यक्ष सानन अंगुबोल्कुलले हस्ताक्षर गरे । यस समझदारीले नेपाल र थाइल्याण्डबिच व्यापारिक सम्बन्धलाई सुदृढ गर्ने, आर्थिक सहकार्यलाई प्रवद्र्धन गर्ने, तथा व्यापार र लगानी विस्तारका लागि संरचित रूपरेखा तयार गर्ने लक्ष्य राखेको छ ।

साथै दुई देशबिचको व्यापारिक सहकार्यलाई थप मजबुत बनाउने र आर्थिक सहकार्यलाई बिस्तार गर्न महत्वपूर्ण योगदान गर्ने विश्वास गरिएको छ । त्यस्तै नेपाल उद्योग परिसंघ र थाइ उद्योग महासंघ, नेपाल चेम्बर अफ कमर्स र थाइल्याण्डको पर्यटन परिषद्बीच हस्ताक्षर भएको छ । काठमाडौं विश्वविद्यालय र सियाम विश्वविद्यालयबिच पनि सम्झौता गरिएको छ ।

सम्झौतापत्रमा हस्ताक्षरपछि आयोजित पत्रकार सम्मेलनका क्रममा थाइल्याण्डकी प्रधानमन्त्री पे थोङ थान शिनवातले थाइल्याण्डले नेपालसँग शिक्षा, हाइड्रोपावर लगायतका क्षेत्रमा सहयोग गर्ने बताइन् । नेपाल र थाइल्याण्ड सरकारबिच लामो समयदेखिको सम्बन्ध रहेको भन्दै यसलाई बचाइराख्नुपर्ने बताइन्। उनले नेपाल र थाइल्याण्डको निजी क्षेत्रहरुको बीचमा पनि अस्पताल, होटल र अन्य व्यापारको सम्झौता भएको उल्लेख गरिन् ।

पत्रकार सम्मेलनका क्रममा प्रधानमन्त्री केपी शर्मा ओलीले नेपाल र थाइल्याण्डबिच कृषि, व्यापार, पर्यटन, संस्कृतिको गहिरो सम्बन्ध कायम रहेको बताए । उनले थाइल्याण्डका लगानीकर्ताहरुलाई नेपालमा लगानीका लागि आह्वान समेत गर्नुभयो । नेपाल र थाइल्याण्डको बिचमा व्यापार र पर्यटनको सम्बन्ध राम्रो रहेको बताए । नेपाल—थाइल्याण्डबिच भइरहेको सिधा उडानप्रति खुशी व्यक्त गरे ।

चैत्र १९ गतेदेखि २३ गतेसम्मको औपचारिक भ्रमणका क्रममा प्रधानमन्त्री ओली अहिले थाइल्याण्डमा छन् ।