काठमाडौँ । कुमारी बैंक लिमिटेडले विगतका वर्षहरूमा सङ्कलन गर्दै आएको शैक्षिक छात्रवृत्ति रकम जीवित देवी कुमारी तृष्णा शाक्य (निवर्तमान) लाई हस्तान्तरण गरेको छ ।
बैंकले औपचारिक कार्यक्रम गरेर छात्रवृत्ति हस्तान्तरण गरेको हो ।
बैंकले प्रत्येक वर्ष बसन्तपुरकी जीवित देवी कुमारीको शैक्षिक प्रयोजनका लागि उनको कार्यकाल सुरु भएको वर्षदेखि हरेक वर्ष रु. एक लाखको दरले छात्रवृत्ति स्वरुप एक कोष खडा गरि रकम जम्मा गराउँदै आएको छ ।
यस छात्रवृत्तिको उद्देश्य कुमारीको कार्यकाल समाप्त भएपछिे आगामी शैक्षिक यात्रामा सहयोग पु¥याउनु रहेको बैँकले जनाएको छ ।
सोही परम्परालाई निरन्तरता दिँदै बैंकले कोषमा जम्मा भएको कुल रकम रु.७ लाख ३८ हजार ८ सय ११.९५ पैसा छात्रवृत्ति स्वरुप निवर्तमान कुमारीलाई हस्तान्तरण गरेको जनाएको छ ।
विगत २४ वर्षदेखि निरन्तर बैंकिङ्ग सेवा दिदै आएको कुमारी बैंकले आफ्ना देशभर रहेका ३०२ शाखा सञ्जाल, ५० एक्सटेन्सन काउन्टर, ४८ शाखा रहित बैंकिङ्ग ईकाईहरु तथा ३१७ एटिएम मार्फत शिक्षा, स्वास्थ्य, उद्यमशीलता र वातावरण संरक्षण जस्ता क्षेत्रमा सामाजिक उत्तरदायित्वका कार्यक्रमहरू निरन्तर सञ्चालन गर्दै आएको छ ।
प्रतिक्रिया दिनुहोस्