काठमाडाैँ । अस्थायी शिक्षक तथा विद्यालय कर्मचारीहरुले आफूहरुलाई योगदानमा आधारित सामाजिक सुरक्षा कोष तत्काल आवद्ध गर्न सरकारसँग माग गरेका छन्।
नेपाल अस्थायी शिक्षक तथा कर्मचारी महासंघले आइतबार काठमाडौँमा पत्रकार सम्मेलन गरी सो माग गरेको हो । आफूहरुको पेशागत निरन्तरता सुनिश्चित हुनेगरी सामाजिक सुरक्षा कोषमा तत्काल आवद्ध गराउन सरकारलाई दबाब दिनुपरेको महासंघका केन्द्रिय तदर्थं समितिका सदस्य शंकर जिसीले बताए ।
उनले उमेर पुगी र स्वेच्छिक अवकाशमा जाने चाहने अस्थायी शिक्षक तथा विद्यालय कर्मचारीहरुलाई सम्मानजनक ढंगले गोल्डेन ह्याण्डसेक उपलब्ध गराउन पनि सरकारलाई सचेत गराए ।
जिसीले भने, “उमेर पुगेका तथा स्वेच्छिक रुपमा पेशाबाट बाहिरिन चाहने राहत तथा अस्थायी प्रकृतिका शिक्षकहरुलाई सम्मानजनक गोल्डेन ह्यान्डसेक सुविधा उपलब्धक गरिनुपर्ने । राहत तथा सम्पूर्ण अस्थायी प्रकृति शिक्षक कर्मचारीहरुलाईं योगदानमा आधारित सामाजिक सुरक्षा कोषमा आवद्ध गरी पेशागत निरन्तरता सुनिश्चित गरिनुपर्ने ।”
महासंघले आफूहरुको माग सम्बोधन हुनेगरी शिक्षा सम्बन्धि ऐन तथा नियमावली संशोधन पनि सरकारको ध्यानाकर्षण गराएको छ ।
प्रतिक्रिया दिनुहोस्